Սարեր, հով արեք, / Հոգուս ճար արեք․․․

Պայքարեցիր, հերոս Քյարամ․․․

"...սուրբ հողը ներկիր քո արյամբ,
նենգ թշնամում զարկեցիր դու․․․"

Կոտրած նկար, կոտրած կյանքի թել, մի ամբողջ ազգի կոտրած սիրտ, բայց ոչ երբեք կոտրած պայքարելու կամք։
Ննջիր խաղաղությամբ, մեր հերոս եղբայր։ Համոզված եղիր, որ մի օր կհատուցենք քո թափած արյան ամեն մի կաթիլը։
Հ․Գ․։ Էս նկարը արել եմ մեր հերոս եղբայր Քյարամ Սլոյանի շիրիմինի հարգանքի տուրք մատուցելուց հետո։ Իմիջի այլոց, այստեղից Մասիսը ընտիր երևում էր։ Ուղղակի խոսքեր չունեմ նկարագրելու, թէ ինչ էի զգում․․․

ԱՐԱՅԻԿ ՊԱՊԻԿՅԱՆԻ՝ ԱՐԹՈՒՐ ԴԱՎԹՅԱՆԻՆ ՆԵՐԿԱՅԱՑՐԱԾ ՀԱՆՑԱԳՈՐԾՈՒԹՅԱՆ ՄԱՍԻՆ ՀԱՂՈՐԴՈՒՄԸ

ՀՀ Գլխավոր դատախազ պարոն Արթուր Դավթյանին

ՀԱՂՈՐԴՈՒՄ

Հանցագործության մասին

Հարգելի՛ պարոն Դավթյան,

2015 թվականի հունվարի 31-ին «Հիմնադիր Խորհրդարանի» դեպի Արցախի մարզ կազմակերպած ավտոերթի ժամանակ Բերձորի մոտակայքում ծեծի և բռնության են ենթարկվել բազմաթիվ քաղաքացիներ (ներառյալ՝ փոքրահասակներ, կանայք, լրագրողներ)։ Մինչ օրս տեղի ունեցած հանցագործության փաստով քրեական գործ չի հարուցվել և որևէ անձ քրեական պատասխանատվության չի ենթարկվել։

Բոլորիս համար հասկանալի է, որ հանցագործության պատվիրատուները՝ ժողովրդի իշխանությունը յուրացրած հանցավոր համակարգի պարագլուխներն էին, և այն ժամանակ որևէ իրավապահ կառույց չունենալով քաղաքական պատվեր կամ հրահանգ, չի կատարել իր պարտականությունը և չի հարուցել քրեական գործ։

Ավտոերթի մասնակիցների նկատմամբ բռնությունները եղել են պլանավորված և ղեկավարվել են ՀՀ բարձրագույն իշխանությունների ու Արցախի մարզի տարբեր պաշտոնյաների կողմից։ Դա է վկայում նաև Վիտալի Բալասանյանի հեռախոսազրույցը, որը նա ունեցել է դեպքից մեկ օր առաջ Ժիրայր Սէֆիլյանի հետ։

Հայաստանի Հանրապետությունը պարտավոր է պաշտպանել իր քաղաքացիների խախտված իրավունքները երկրագնդի ցանկացած հատվածում, իսկ այս դեպքում խոսքը վերաբերում է ՀՀ տարածքում կատարված հանցանքին, որի նկատմամբ իշխանությունների, և հատկապես դատախազության անտարբերությունն օբյեկտիվորեն կասկածի և պատվերի բացակայության տեղիք են տալիս։

ՀՀ-ն իրավունք չունի խուսափել այդ (և ընդհանրապես) հանցագործության բազմակողմանի, լրիվ և օբյեկտիվ քննության պարտավորությունից, հղում կատարելով դրա Արցախի մարզում տեղի ունենալը, հետևյալ իրավական հիմքերով՝

ա/ բռնության են ենթարկվել մի քանի տասնյակ ՀՀ քաղաքացիներ. Իգոր Մուրադյան, Ժիրայր Սէֆիլյան, Պավլիկ Մանուկյան, Արայիկ Խանդոյան, բազմաթիվ երեխաներ, կանայք, լրագրողներ, այլոք, որոնց պաշտպանության ապահովումը ՀՀ իշխանությունների իմպերատիվ պարտավորությունն է;

բ/ Արցախի մարզի նկատմամբ ՀՀ-ն ունի բավարար և թույլատրելի իրավական հսկողություն և վերահսկողություն, ինչը հաստատվել է նաև Մարդու իրավունքների Եվրոպական դատարանի Չիգարովն ու մյուսներն ընդդեմ Հայաստանի վճռով (տե՛ս վճռի 43-51 պարագրաֆները);

գ/ Արցախի մարզային իշխանությունների կամ առանձին անհատների մասնակցությունը ՀՀ քրեական դատավարություններին լիովին ճանաչվել է ՀՀ դատական իշխանությունների կողմից։ Քոչարյանի և մյուսների գործով ՀՀ դատարանը և դատախազությունը չեն առարկել Արցախից ներկայացած անձանց մասնակցության դեմ։

Վերը ներկայացվածի հիման վրա Միջնորդում եմ՝ հանձնարարել հարուցել քրեական գործ 2015 թվականի հունվարի 31-ին «Հիմնադիր Խորհրդարանի» դեպի Արցախի մարզ կազմակերպած ավտոերթի ժամանակ Բերձորի մոտակայքում տեղի ունեցած ծեծի և բռնության փաստի առթիվ։

Սույն Հաղորդմանը կից ներկայացնում եմ տեսանյութ www.youtube.com-ից, «Ռեյդային ստուգումներ» Արցախում վերնագրով, որը համացանցում դիտվել է ավելի քան 430.000 (չորս հարյուր երեսուն հազար) անգամ, ինչպես նաև Վիտալի Բալասանյանի և Ժիրայր Սէֆիլյանի հեռախոսազրույցի սղագրությունը (ԱԱԾ-ի գաղտնալսման արձանագրությունը)։

Ա. Պապիկյան

փաստաբան

http://sasnatzrer.am/en/newspaper/%d5%a1%d6%80%d5%a1%d5%b5%d5%ab%d5%af-%d5%ba%d5%a1%d5%ba%d5%ab%d5%af%d5%b5%d5%a1%d5%b6%d5%ab%d5%9d-%d5%a1%d6%80%d5%a9%d5%b8%d6%82%d6%80-%d5%a4%d5%a1%d5%be%d5%a9%d5%b5%d5%a1%d5%b6%d5%ab%d5%b6-%d5%b6/?fbclid=IwAR3_N48Sv6gASWeF6cx8qXhp0j2_chotGyBYclT_E8NQzCJIfgxMGkE9f7o

Ես գալիս եմ տուն, դե մամ ջան, դուռը բաց․․․

         Կիրակի վերադառնում էի Արցախից տաքսիով։ Ավտոի մեջ էլ 5 երիտասարդ զինվոր, նոր էին զորացրվել։ Ժպիտները դեմքին, հազիվ իրանց զսպելով ուրախ որախ գնում էին տուն։

Հետները կամ՝ մի փոքր պայուսակ կամ՝ նույնիսկ ընդամենը մի պանակ իր զինվորական գրքույքով և այլ փաստաթղթերով։ "Վեշեր" չունեին, ունեին միայն մի սիրտ լցված սիրով և կարոտով։

         Հատկապես իրանցից մեկին եմ ուզում հիշեմ։ Կողքիս նստածն էր։

Տնեցիք չգիտեին, որ այդ օրը տուն ա գնում։ Ժպտալով էր պատմում, ոնց էր խաբել, որ էտ օրը չի գնալու, ինչ-որ թղթեր հրամանատարությունը չի ստորագրել, դրա համար իբր դեռ չի կարող գնալ։

         "Ախպորս հետ եմ խոսացել միայն, էսօր մամաի ծնունդն ա" - "և անակնկալ ես ուզում, հա՞, անես․․", հարցրի ես զարմացած։ "Հաա, ախպորս հետ պայամանվորվել ենք արդեն, 10 հատ վարդի փունջ ենք պատվիրել մամաի համար"- եկավ պատասխանը։

 Հիմա պատկերացրեք մամայի զարմանքը, ուրախության արցունքները․․․Սրանի՞ց էլ գեղեցիկ ծննդյան նվեր․․․

Հ․Գ․։ Բարի վերադառձ բոլոր զինվորներին։ 

Տղաներ ջան, Աստված հազար անգամ հատուցի ձեր արածը։ Շնորհակալ ենք այս վերջին 2 տարվա ամեն մի հանգիստ գիշերվա համար, որի երաշխավորներն եք եղել։

Բումերանգի եֆեկտը, կամ. երբ քցում ես ավել, քան կարող էս ծամել և կուլ տալ

Նախ կուզենայի ներողություն խնդրել բոլոր սրտից կամ նյարդերից թույլ մարդկանցից ստորև դրած նկարների համար։ Իրականությունը միշտ չէ, որ հիանալի քաղցրավենիքի տեսքով և համով է մեզ ներկայանում։ Պետք է հաշտվել այդ փաստի հետ։

Ընկերասեր և հանդուրժող մեր օրիորդի
վերջին բոցը

Ինչպես բոլորին հայտնի է, անցյալ տարվա փետրվար ամսին (եթէ չեմ սխալվում), «կապտամազ աղջկա» միջադեպը մեծ աղմուկ էր բարձրացրել։ Կապույտ ներկած մազերով աղջիկը կեսգիշերվա կողմերը ծխելով մենակ ման էր գալիս Ստեփանակերտի փողոցներում։ Հանկարծակի փողոցում հերթապահություն իրականացնող ոստիկանները իրա կասկածելի տեսքը տեսնելով պահանջում են որ ինքնությունը հաստատող փաստաթուղթ ներկայացնի։ Ու էստեղից ա սկսում ամբողջ հայ-հարայը։ Թէ ինքն է լաչառություն արել, թէ ոստիկանները մի քիչ կոպիտ են եղել հետը, դա չի էականը։ Բանը նրանում ա, որ եթէ տվյալ «օրիորդը» գիտակցեց, որ իրավունքներ ունի ( և, բան չունեմ ասելու, ունի իրոք իրավունքը փողոցում ման գալ երբ ուզում ա, ում հետ ուզում ա, ինչ գույնի մազերով ուզում ա, փողոցում ծխելն էլ օրենքով արգելված չի), միաժամանակ պիտի գիտակցեր որ ունի նաև պարտականություններ – պատշաճ կերպով  վարվել օրենքի ներկայացուցիչների հետ և եթէ նրանք պահանջում են անձդ հաստատել, անել դա առանց ավելորդությունների։  Անձնագիրդ ձեռքի՞դ չի։ Խնդիր չկա, հորդ կամ մորդ կամ որևէ մեկի համարը տուր, ով կարող է հաստատել, ով ես, և կարող է հավաստիացնել կամ երաշխավորել, որ դու ոչ մի անօրինական բան չես անում, մաքուր մարդ ես, ուղղակի ջահել ես ուզում ես մի քիչ քայֆավատ անես։ Ինչևէ․․․

Մեր օրիորդի ընկերների ախպերների ձեռքից
գնացածներից մեկը․ Ռոբերտ
Աբաջյանը, կամ Մանումենտցի Քյաժը։
 Զոհվել է ապրիլ 2016-ին

Ինչպես գիտենք, տվյալ «օրիորդը» հանդիսանում է Հայաստանի քաղաքացի։ Այն Հայաստանի, ում մատղաշ զավակները գիշեր ցերեկ թուրքի գյուլի թիրախում են։ Այն Հայաստանի, որին իրա բացահայտ ընկերների կառավարությունը բացահայտ և ոչ փացիֆիստ կերպով նպատակ են դրել երկրի երեսից և քարտեզից ջնջել։ Այն Հայաստանի, որի համար իրենց կյանքն են զոհել բազմաթիվ հերոսներ, սկսած Մոնթեից, Բեկոր Աշոտից, Շահեն Մեղրյանից, Լեոնիդ Ազգալդյանից, մինչև Գուրգեն Մարգարյանը, Արմենակ Ուրֆանյանը, Ռոբերտ Աբաջյանը, Քյարամ Սլոյանը, և շատ ուրիշներ։ Այն Հայաստանի, որը այս տղաների համար այնքան թանկ և սուրբ է եղել, որ նրան պաշտպանելու համար գերադասեցին իրենց ընտանիքներին թողնել առանց հոր, առանց ամուսնու, առանց որդու, որի համար այդքան տների ճրագների լույսը հավերժ մարել է․․․ Այն Հայաստանի, որն այսօր շրջապատված է ուղղակի և անուղղակի թշնամական վերաբերմունք ցուցաբերող երկրներով։

 Մեր օրիորդի ընկերների ախպերների շնորհքը տեսած
մարդիկ։
 Թալիշ, ապրիլ 2016։

Չգիտեմ, եթէ արժանի է կրել այդ քաղաքացիությունը։ Որոհետև իսկական և արժանապատիվ քաղաքացին, իմանալով իրա երկրի իրավիճակը, սիլիբիլի չի անում թշնամու ներկայացուցիչի հետ։ Կամ էլ, եթէ անում ա, գոնե չի դնում ի ցույց աշխարհի։

Երևի չի գիտակցում իրա արած(ներ)ի հետևանքները։ Չի գիտակցում, որ ով տենա ու իմանա իրա արածները, մեզ որպես ազգ կհամարեն թույլ, գոյտևելու ոչ պիտանի և արժանի, մեզ կհամարեն գնդակ - ուր ուզես այնդեղ էլ կարող ես շպրտել, կհամարեն պլաստիլին – ոնց ճմրտես տենց էլ կմնա, կամ ավելի վատ՝ կհամարեն մուրացկան, ով իրեն հասցրած վիրավորանք(ներ)ը մի թուլափայի դիմաց կուլ կտա․․․

Իրա հարցն էլ մեր օրիորդի ընկերների ախպերներն են լուծել։
Քյարամ Սլոյան, զհովել է ապրիլ 2016-ին։

Ուղղակի հետաքրքիր ա․ այս «օրիորդը» նույն դուխով կգնա՞ր սեր և հանդուրժողականություն քարոզել մեր զոհված հերոսների հարազատների մոտ։

Հ․Գ․։ Հավասարակշռվածության սահմաններում մնալու համար մնացած մտքերս իմ համար կպահեմ։